Þá er komið að bíókvöldi í Ögurhvarfi. Húsið opnar klukkan 20:00.
Á þessu öðru bíókvöldi okkar þennan veturinn munum við taka til sýningar hina 40 ára grínmynd Ferris Buller’s Day Off sem gerð var árið 1986 með Matthew Broderick í aðalhlutverki.
Myndinn fjallar um Ferris Buller sem nennir ekki í skólann og tekur sér því með klækjum veikindadag í skólanum og fer á rúntinn með vinum sínum á forlátum og sjaldgæfum Ferrari bíl, á meðan skólastjórinn í skólanum hans reynir að komast að hinu sanna um veikindi Ferris og hvort ekki sé örugglega maðkur í mysunni hvað þau varðar.
Sýning myndarinnar hefst um klukkan 20:15 og er sýningartími hennar um 103 mínútur. Boðið verður upp á popp og gos, sem og kaffi fyrir þá sem það vilja. Gert verður stutt hlé ef þurfa þykir.
Endilega fjölmennum og eigum gott bíókvöld með félögunum í Ögurhvarfi.
Stikla myndarinnar: Ferris Bueller’s Day Off (1986) Official Trailer – Matthew Broderick Movie
Myndin er sýnd hjá okkur með íslenskum texta.
Stjórnin