Við ætlum að hafa afmæliskaffi miðvikudaginn 24. september í Ögurhvarfi til heiðust Þorvaldi Sigurði Karlssyni Norðdal, eða Valda Koppasala eins og við þekkjum hann, og opnar húsið klukkan 19:00
Já hann Valdi okkar á afmæli daginn eftir þetta kvöld og verður hann 73 ára. Boðið verður upp á rjúkandi heitt súkkulaði og kökur og sígilda tónlistarstemningu að hætti afmælisbarnsins, eða eins og hann sjálfur lýsir því ,,Ekkert þungarokksgönk eða síbylgjuvæl. Bara alvöru tónlist“
Valdi er búinn að ganga í milli fólks bjóða fjölda manns og því má gera ráð fyrir fjölmenni og góðri stemmningu og við hvetjum því alla til að koma og njóta kvöldsins með okkur og heilsa upp á karlinn á þessum tímamótum, en hann hefur verið okkur svo tryggur, hvetjandi og einstaklega litríkur félagsmaður í gegnum árin.
Endilega fjölmennum og tökum góða skapið með.
Stjórnin