Landsmóti fornbílamanna á Selfossi frestað.

Bifreiðaklúbbur Suðurlands hefur tekið þá ákvörðun að fresta fyrirhuguðu landsmóti.  

Landsmót fornbílamanna átti að fara fram á Selfossi dagana 23-25 júní, en hefur verið slegið af. 

Ástæða ákvörðunarinnar er slæmt veðurútlit með þrálátri rigningarspá á svæðinu þessa helgi. 

Samkvæmt upplýsingum frá landsmótsnefnd er mögulegt að það verði boðað til mótsins síðar í sumar og þá með stuttum fyrirvara.

Stjórn klúbbsins harmar þær afleiddu raskanir sem af þessu kunna að hljótast.