---

Fornbílaklúbbur Íslands er virkur félagsskapur sem rekur félagsheimili, á sínar eigin bílageymslur, gefur út vandað félagsrit og sendir reglulega fréttabréf til félagsmanna sinna.

Innan klúbbsins eru starfandi fjölmargar nefndir sem hver sinnir ákveðnum málaflokki. 

Á sumrin stendur klúbburinn fyrir hópakstri fornbíla og heldur sýningar á gömlum bílum fyrir almenning víða um land.

Á fimm ára fresti heldur Fornbílaklúbburinn upp á afmæli bílsins á Íslandi með veglegri
sýningu á fornbílum, gömlum ljósmyndum og öðrum minjum er tengjast sögu bílsins á Íslandi. 

Í aðstöðu klúbbsins í Árbæjarsafni (miðvikudagskvöld) ræða félagar áhugamál sín og skoða tímarit og bækur í eigu klúbbsins.

Á opnu húsi yfir vetrarmánuðina er að jafnaði fjölbreytt dagskrá, svo sem fyrirlestrar, fræðsluferðir og myndasýningar. 

 

---