Fornbílaklúbbur Íslands hefur það markmið að efla samheldni með áhugamönnum og eigendum gamalla bíla og gæta hagsmuna þeirra í hvívetna. Jafnframt vinnur Fornbílaklúbburinn að því að auka áhuga almennings fyrir gömlum bílum og glæða skilning á varðveislu þeirra og minjagildi. 

Allt frá stofnum Fornbílaklúbbsins árið 1977 hefur hann náð umtalsverðum árangri í hagsmunagæslu fornbílaeigenda. Nefna má sem dæmi niðurfellingu bifreiðagjalda og stórlækkun aðflutnings- og tryggingariðgjalda, auk þess sem fornbílar mega nú bera eldri gerðir skráningarmerkja.

Þessi árangur er afrakstur ötuls starfs við að vekja skilning stjórnvalda á varðveislugildi gamalla bíla.  

Fornbílaklúbburinn stuðlar að persónulegum kynnum eigenda fornbíla á Íslandi og hvetur félagsmenn til samvinnu um áhugamál sín, þannig að þeir geti miðlað hverjir öðrum af reynslu sinni og kunnáttu í meðferð og varðveislu gamalla bíla. 

Umsóknarform

Umsókn um Shell viðskiptakort

Smelltu á viðkomandi link hér fyrir ofan til að opna umsóknarform.

Þegar árgjald hefur verið greitt fær viðkomandi félagsskíteini okkar ásamt nýjasta blaðinu Fornbílinn, dagatal FBÍ, penna og lyklakippu merkt klúbbnum, gluggamiða, skoðunarmiða og aðgangorð að læstum síðum á fornbill.is

Hérna er er hægt að sjá svör við algengum spurningum um FBÍ