Aðalfundur og stjórnarkjör FBÍ 2011 - Úrslit fundar

Á næsta aðalfundi þann 25. maí verður kosið um formann, þrjá stjórnarmenn til tveggja ára, tvo stjórnarmenn til eins árs og tvo varamenn. Kosið er um formann annað hvert ár og kosið er um þrjá af sex stjórnarmönnum á hverju ári, hvert tímabil er tvö ár. Kosið er um varamenn á eins árs fresti.

Uppfært þann 30. maí, yfirfarið og lokaniðurstaða..

---

Listi til stjórnarkjörs: (neðar eru upplýsingar um fráfarandi stjórn og staða manna, neðst eru síðan lagabreytingar.)

		Til formanns
		Hlaut 74 af 83 (9 auðir), kjörinn formaður. Þorgeir Kjartansson hefur verið lengi í klúbbnum og hefur verið í Ferða og félaganefnd. Er núna formaður Bílageymslu- og varahlutanefndar og Landsmótsnefndar, hefur setið í stjórn tvö tímabil. Þekkir vel starfsemi klúbbsins og félaga. Markmið: Losa um skuldir félagsins, byggja upp og styrkja félagsstarfið, koma upp félagsaðstöðu, auka upplýsingastreymi á milli félaga og stjórnar, efla samstarfið við önnur félög og landsbyggðina, svo fátt eitt sé nefnt.
		Til stjórnar
		Hlaut 70 af 82 (2 auðir), náði kjöri. Garðar Arnarson hefur verið mörg ár í klúbbnum, starfað í Ferðanefnd og er í Bílageymslu og varahlutanefnd, er í Landsmótsnefnd og hefur verið fyrsti varamaður stjórnar og setið eitt tímabil í stjórn. Markmið: Að hlú að geymslum klúbbsins og efla félagsstarf og andann í klúbbnum.
		Til stjórnar
		Hlaut 66 af 82 (2 auðir), náði kjöri. Jón S. Loftsson hefur verið í Félaganefnd (síðan Ferða og félaganefnd), sér um fornbill.is, félagaskrá, myndun ferða og er í Landsmótsnefnd, varamaður stjórnar í tvö ár, stjórnarmaður síðustu þrjú tímabil og er gjaldkeri klúbbsins síðan 2006. Markmið: Koma okkur úr skuldum sem fyrst og gera klúbbinn aftur að " bílaklúbbi" og sjá félagsstarfið aftur í fyrsta sæti. koma upp framtíðarfélagsheimili fyrir klúbbinn og stefna á deildir á landsbyggðinni.
		Til stjórnar
		Hlaut 55 af 82 (2 auðir), náði kjöri. Þorsteinn Jóhannsson hefur verið lengi í klúbbnum og býr á Selfossi. Verið vel virkur í ferðum og starfi síðustu ár, er núna í Landsmótsnefnd. Markmið: Að landsmót verði haldið á Selfossi eins og undanfarin ár, klúbburinn komi sér upp félagsaðstöðu og geti haldið úti veglegu starfi fyrir félaga.
		Til stjórnar
		Hlaut 33 af 82 (2 auðir), náði ekki kjöri. Þröstur Reynisson hefur verið nokkur ár í klúbbnum og býr í Hveragerði. Hefur ekki setið í stjórn eða nefndum. Markmið: Ég held að það sé komin tími á yngri menn að leiða Fornbílaklúbbinn inn í framtíðina. Klúbburinn á að gæta hagsmuna allra félagsmanna, ekki manna sem líta á hann sem sinn eiginn.
		Til stjórnar í hálft tímabil
Skýring: Venjulega er kosið um þrjá stjórnarmenn, en þar sem Þorgeir býður sig fram til formanns og Egill Matt.vill draga sig úr stjórn, þarf að kjósa um tvo stjórnarmenn til eins árs í stað þeirra þar sem þeir eru í miðju tímabili.
		Hlaut 71 af 82 (6 auðir), náði kjöri. Jón Hermann Sigurjónsson hefur verið í klúbbnum í nokkur ár og hefur verið vel virkur í ferðum og starfi. Hefur verið í Kjörnefnd og Úrlausnarnefnd, en hefur auk þess verið til hjálpar í ýmsum nefndum í gegnum árin. Markmið: Markmið mitt með framboði mínu til stjórnarsetu í FBÍ er að lækka skuldir félagsins, halda utan um og byggja upp félagsanda innan félagsins, viðhalda og auka vinnu við málaflokka sem tengjast hagsmunum félagsmanna.
		Til stjórnar í hálft tímabil
		Hlaut 69 af 82 (6 auðir), náði kjöri. Stefán Halldórsson hefur verið nokkur ár í klúbbnum. Hefur ekki setið í stjórn eða nefndum en hefur verið að fylgjast vel með innra starfinu. Markmið: Fyrst ekki gekk upp að klára húsið í Elliðaárdalnum liggur mest á að komast út úr því og vinna svo vel úr því sem eftir stendur til að koma upp einhvers konar félagsheimili. Mín skoðun er að það þarf að gera klúbbinn meira aðlaðandi fyrir yngra fólk svo ekki detti úr margir árgangar af vernduðum bílum. Skerpa félagsandann þannig að menn styðji hvorn annan, ekki síst varðandi varahluti og upplýsingar.
		Til varamanns
		Hlaut 63 af 82, náði kjöri. Ólafur Björgvinsson hefur verið í klúbbnum í mörg ár og verið vel virkur í ferðum og starfi þó að hann hafi ekki setið í nefndum. Hefur verið einn af þeim sem myndar kjarna klúbbsins á Suðurnesjum og hefur verið varamaður stjórnar tvö tímabil. Markmið: Efla félagsstarfið og leggja áherslu á að koma upp félagsheimili og nýta það vel vegna starfssemi klúbbsins.
		Til varamanns
		Hlaut 49 af 82, náði kjöri. Sigurbjörn Helgason hefur verið lengi í klúbbnum og sér um Sögu- og minjanefnd, er einnig í Útgáfunefnd og var í Ferðanefnd í kringum ´90. Markmið: Að klúbburinn eignist eigin félagsaðstöðu og koma klúbbnum úr þessari klípu sem hann er í núna.
		Til varamanns
		Hlaut 48 af 82, náði ekki kjöri. Steingrímur E. Snorrason hefur verið lengi í klúbbnum. Hefur verið í Ferðanefnd, sat í stjórn í þrjú tímabil og var einnig í Bygginganefnd. Þekkir vel til stjórnunar klúbbsins. Markmið: Stefna á að efla félagsanda og koma upp félagsheimili, hlú að viðhaldi og framtíðar geymslum klúbbsins.

Skoðunarmenn reikninga:

Georg Theodórsson, kjörinn 78 af 81
Garðar Schiöth, kjörinn 75 af 81

Til vara:
Ingibergur Sigurðsson, 78 af 81

---

Núverandi stjórnar- og varamenn sem eru í endurkjöri eða ganga út:

Formaður sem hefur setið í tvö ár:
Sævar Pétursson, gefur ekki kost á sér

Stjórnarmenn sem hafa setið í tvö ár:
Halldór Gíslason, gefur ekki kost á sér
Jón S. Loftsson, gefur kost á sér áfram.
Garðar Arnarson, gefur kost á sér áfram.

Stjórnarmenn sem hafa setið hálft tímabil:
Egill Matthíasson dregur sig úr stjórn
Hróbjartur Ö. Guðmundsson (á hálft tímabil eftir)
Þorgeir Kjartansson gefur kost á sér til formanns

Varamenn síðasta tímabils :
Ólafur Björgvinsson, gefur kost á sér sem varamann.
Óskar Einarsson, gefur ekki kost á sér.

---

Tillaga um breytingu á lögum FBÍ. Samþykkt með öllum atkvæðum.

Lagt er til að breyting verði á 4. kafla, 2.grein.
Í stað "Stjórn félagsins skipar tveggja manna kjörnefnd í janúarmánuði hvers árs." komi eftirfarandi:
"Stjórn félagsins skipar að lágmarki þrjá menn í kjörnefnd í janúarmánuði hvers árs."