Bílageymslur FBÍ

Fornbílaklúbburinn á í dag þrjár geymslur á Esjumel, sem samtals eru um 1200 fermetrar að stærð
og eru þær fullnýttar yfir vetrarmánuðina.

Formaður bílageymslunefndar er í síma 660 1763.

Bílageymslur eru opnar alla sunnudaga (fyrir utan hátíðir og þegar ferðir FBÍ eru) frá kl. 13 til 15.
Sími þar er 566 7838.

Leiga á stæði fyrir félagsmenn FBÍ er kr. 6000 á mánuði fyrir venjulega stærð af bíl og kr. 8500 fyrir vörubíla.
Sjá nánar í reglum neðar.

Ath. stæði er ekki fastur staður heldur pláss í geymslum FBÍ, bílageymslunefnd raðar niður bílum í stæði til að fá sem mesta nýtingu úr geymslum.Æskilegt er að hafa samband við bílageymslunefnd helgina áður en taka skal bíl út, getur það sparað mönnum óþarfa endurröðun og flýtt fyrir ef vitað er um þá bíla sem fara út.

Biðlisti er eftir plássi en hægt er að fá sig skrifaðan á biðlistan, en eingöngu félagsmenn geta fengið leigt stæði hjá klúbbnum og þarf viðkomandi að vera í klúbbnum til að geta farið á biðlista. Panta skal hjá eða
í síma 660 1763.

Fornbílaklúbbur Íslands áskilur sér allan rétt til að fjarlæga bíl(a) og hefja innheimtuaðgerðir hafi viðkomandi ekki staðið í skilum með greiðslu fyrir pláss í bílageymslum.

Reglur vegna leigustæða í bílageymslum FBÍ

Eingöngu FBÍ félagar geta sótt um leigustæð.

Sé ekki laust stæði getur viðkomandi óskað eftir að vera settur á biðlista.

Þegar komið er að viðkomandi á biðlista skal svara innan tveggja daga hvort stæðið verðið tekið annars fer viðkomandi neðst á biðlistann.

Ekki er hægt að framselja pláss á biðlista.

Leigustæði er ekki hægt að framleigja.Sé viðkomandi bíll seldur sem er með stæði fær nýr eigandi að halda stæðinu hafi hann hinn nýi eigandi gengið í FBÍ við eigandaskipti og undirritað nýja leigusamning.

Vegna ákvæða leigusamnings vegna vanskila og trygginga getur leigutaki ekki nýtt stæði sitt nema undir bíla sem eru í eigu leigutaka.

Leiga á stæðum frá 1. janúar 2009 fyrir félagsmenn FBÍ er kr. 6000 á mánuði fyrir bíl undir 6m, kr. 7500 fyrir bíl yfir 6m og kr. 8500 fyrir vörubíla.. Ef bíll er tekin út yfir sumar (í þrjá mánuði) er mönnum boðið að hafa frátekið pláss fyrir hálft gjald. kr. 3000 (í þrjá mánuði mest), um leið hafa þeir forgang um haustið og þurfa ekki að panta stæði.

Leiga greiðist frá frá þeim tíma sem stæði sé úthlutað þó að ekki sé komið með viðkomandi bíl strax til geymslu.

Hafi leigutaki ítrekað verið í vanskilum (án þess að hafa samband við formann geymslunefndar eða gjaldkera FBÍ hafi komið upp tímabundið vandamál með greiðslur) missir hann stæði sitt og getur ekki sótt um stæði nema leggja fram tryggingu fyrir greiðslum.

Geymslustæði eru eingöngu leigð undir bíla sem eru 15 ára og eldri.

Þegar sótt er um stæði skal taka fram bíltegund svo hægt sé að gera ráð fyrir honum þegar raðað er inn, einnig skal tilkynna með fyrirvara ef breyting verður á því.

Hver leigutaki getur verið með 3 stæði að hámarki.

FBÍ áskilur sér rétt til að taka bíla af biðlista framfyrir vegna stærðar þegar raðað er inn um haust ef hægt væri að koma fyrir minni bíl sem er ekki fyrstur inn.

Ath. stæði er ekki fastur staður heldur pláss í geymslum FBÍ, bílageymslunefnd raðar niður bílum í stæði til að fá sem mesta nýtingu úr geymslum.
Æskilegt er að hafa samband við bílageymslunefnd helgina áður en taka skal bíl út, getur það sparað mönnum óþarfa endurröðun og flýtt fyrir ef vitað er um þá bíla sem fara út.