Steðjanúmer
Undanfarin ár hefur Fornbílaklúbbur Íslands framleitt svokölluð steðjanúmer, en klúbburinn keypti á sínum tíma mót og annað þegar þessi eldri númer voru lögð niður og núverandi númerakerfi tekið upp. Nokkur ár tók að fá leyfi til að framleiða og eins að eldri bílar fengju að bera þessar númeraplötur, en leyfi fékkst árið 2002. Fjöldi númera sem framleidd hafa verið eru að nálgast sjötta hundraðið og hefur verið mikill metnaður hjá mörgum fornbílaeigandanum að bíll hans skarti réttum númerum miðað við aldur bílsins.Mörg númer hafa verið endurvakin sem lengi hafa verið í fjölskyldu viðkomandi, eða þá að viðkomandi bíll fær sitt upprunalega númer aftur.

Þeir bílar sem eru framleiddir eftir 1950 til ársins 1989, er nýja kerfið var tekið upp, hafa leyfi til að bera steðjanúmer. Til að fá númer þarf fyrst að skrá viðkomandi númer hjá Umferðarstofu með þessu eyðublaði, en þar er einnig að finna almennar upplýsingar um notkun fornmerkja og síðan panta plötur hjá okkur, sjá verð hér neðar. Hægt er að skoða hvort viðkomandi númer sé laust hér, en stundum getur komið fyrir að skrá sé ekki rétt.

Gjaldskrá fyrir steðjaplötur.

Fyrir félaga Fornbílaklúbbsins
Kr. 15.000 fyrir sett, 10.000 fyrir staka plötu.

Almennt verð.
Kr. 25.000 fyrir sett, 20.000 fyrir staka plötu.

Panta má smíði númera í farsíma 895-2400 eða fylla út eftirfarandi umsókn: Pöntunarform
Númer verða ekki framleidd nema greiðsla hafi borist annað hvort sem millifærsla eða með uppgefnu kreditkortanúmeri með pöntun, er viðhaft vegna nýs afhendingarforms hjá Umferðastofu.

Eftir 1. júlí 2008 eru nýjar reglur frá Umferðastofu vegna afhendingu fornmerkja. Þegar framleiðslu númera lýkur fær eigandi númeraplatnanna SMS þess efnis að þær hafi verið sendar til Umferðarstofu í Reykjavík.
Verður skráður eigandi platnanna að hringja þangað og óska eftir því að þær verði sendar á þá skoðunarstöð sem hann á viðskipti við.

Sú regla er viðhöfð að eigi færri en 6 sett eru framleidd í einu og er það gert í hagræðingarskyni, m.a. vegna sprautuvinnu. Því þarf ávallt að panta númeraplötur með góðum fyrirvara, en ekki örfáum dögum áður en þeirra er þörf.

Hægt er að skrá ökutæki tímabundið úr umferð án þess að leggja inn númer og hentar það vel sé tækinu lagt til lengri tíma eða sé í uppgerð. Kostnaður vegna þess er kr. 600 og viðkomandi eyðublað er hægt að nálgast hér. Munurinn á þessu og að leggja inn númer er sá að gjöld og tryggingar falla ekki niður

Þessi númer voru í gildi frá 1938 - 31.12.1988
   
A
 Akureyrarkaupstaður og Eyjafjarðarsýsla
B
 Barðastrandasýsla
D
 Dalasýsla
E
 Akraneskaupstaður
F
 Siglufjarðarkaupstaður
G
 Hafnarfjarðarkaupstaður og Gullbringu- og Kjósarsýsla
H
 Húnavatnssýsla
Í
 Ísafjarðarkaupstaður og Ísafjarðarsýsla
J
 Íslenskir starfsmenn á Keflavíkurflugvelli
JO
 Erlendir starfsmenn á Keflavíkurflugvelli
VL
 Varnarliðið
VLE
 Ökutæki hermanna
K
 Sauðárkrókskaupstaður og Skagafjarðarsýsla
L
 Rangárvallasýsla
M
 Mýra- og Borgarfjarðarsýsla
N
 Neskaupstaður
Ó
 Ólafsfjarðarkaupstaður
P
 Snæfells- og Hnappadalssýsla
R
 Reykjavík
S
 Seyðisfjarðarkaupstaður og Norður-Múlasýsla
T
 Strandasýsla
U
 Suður-Múlasýsla
V
 Vestmannaeyjakaupstaður
X
 Árnessýsla
Y
 Kópavogur
Z
 Skaftafellssýsla
Þ
 Þingeyjarsýsla
Ö
 Keflavíkurkaupstaður